عوام اپنی مدد آپ کے تحت قیام امن کی کوششیںاور اپنی حفاظت خود کریںحکومت اور ان کے اتحادیوں سے کسی قسم کی امید لگانا اندھے کو روشنی دکھانے کے مترادف ہے۔ سربراہ سنی تحر یک محمد ثروت اعجاز قادری

کراچی ( ) سربراہ سنی تحر یک محمد ثروت اعجاز قادری نے کہا ہے کہ حکمرانوں کی دوہری پالیسی اور دہشتگردوں کی عدم گرفتاری کی وجہ سے روشنیوں کا شہر کراچی تاریکی کا منظر پیش کررہا ہے۔عوام خوفزدہ ہیں اور شہریوں کی جان و مال ،عزت و آبرو محفوظ نہیں ہے۔قیام امن کیلئے حکومت کی طرف سے کوئی مثبت اقدامات نہیں کئے گئے صرف زبانی خرچ سے کام لیاجارہا ہے۔صوبائی حکومت امن وامان کی بحالی سمیت ٹارگٹ کلرز دہشتگردوں کو قانون کے شکنجے میں نہیں جکڑ سکتی تو اپنی ناکامی تسلیم کرتے ہوئے گھر چلی جائے ،ان خیالات کا اظہار اُنہوں نے مرکزِاہلسنت پر گلستان جوہر،پی آئی بی کالونی گرومندر سے آئے ہوئے معززین کے وفود سے گفتگو کرتے ہوئے کیا ۔ثروت اعجاز قادری نے کہا کہ موجودہ حالات کی خرابی کے پسِ پردہ مفادات و اقتدار کی تک وگو ہے۔ بے گناہ شہریوںکے قاتل آزاددنداناتے پھر رہے ہیںجب کہ کچھ قوتیں لاشوں پر سیاست کررہی ہیں جوکہ عوام سے ہمدردی کے بجائے انکے ساتھ ایسا رویہ ہے جو جمہوری قدروں کے منافی اور ظالمانہ ہے ۔اُنہوں نے کہا کہ عوام اپنی مدد آپ کے تحت قیام امن کی کوششیںاور اپنی حفاظت خود کریںحکومت اور ان کے اتحادیوں سے کسی قسم کی امید لگانا اندھے کو روشنی دکھانے کے مترادف ہے۔اُنہوں نے کہاکہ حکمران جان رکھیں کہ عوام کا سیاسی شعور اجاگر کرنے کی ہر کوشش کو سنی تحریک اپنا فرض سمجھتی ہے جس کے تحت عوام اپنے اصل دشمنوں سے آگاہ ہوسکیں ۔اُنہوں نے کہا کہ سنی تحریک امن کی ہر اس قوت کے ساتھ ہاتھ بڑھانے کیلئے تیار ہے جو کہ کراچی کو امن کا گہوارہ اور عوام کی جان ومال کے تحفظ کیلئے مثبت کردار ادا کریں۔ثروت اعجاز قادری نے کہا کہ لمحہ فکریہ ہے کہ جمہوریت کی آڑ میں دہشتگرد وں کے ہاتھوں انسانی جانوں کا خون بہایا جارہا ہے اور ان حقائق سے آنکھیں چرائی جا رہی ہیں جن حقائق کو عوام کے سامنے آنا چاہیے ۔اُنہوں نے کہا کہ عوام یہ پوچھنے میں حق بجانب ہیں کہ جب وزیرداخلہ کو یہ علم ہے کہ اسرائیل کا اسلحہ کراچی میں استعمال ہو رہا ہے تو پھر یہ بھی علم ہوگا کہ کراچی میں انسانی جانوں کا خون بہانے والے قاتلوں کے پیچھے وہ کونسی عالمی اور اندرونی قوت ہے جس پر وفاقی و صوبائی حکومتوں کی زبان پر تالے لگے ہوئے ہیں اور وہ عوام کو بیرونی و اندرونی قاتل ہاتھوں سے آگاہ نہیں کررہے ،اُنہوں نے کہا کہ ضرورت اس امر کی ہے کہ فوری طور پر عوام کے قتل ِعام کے تمام محرکات و کردار وں کو عوام کے سامنے لایا جائے تاکہ عوام امن کے قاتلوں کو پہچان سکیں#

Date: 7/23/2011 12:00 AM